ഭക്ഷണം കഴിഞ്ഞാല്‍ വയറിന് പ്രശ്‌നമാണോ..ഇതൊന്ന് ശ്രദ്ധിച്ചാല്‍ മതി
ദഹനക്കേടും പുളിച്ചു തികട്ടലും നെഞ്ചെരിച്ചിലുമായി വയറിനുണ്ടാകുന്ന പ്രശ്‌നങ്ങള്‍ കാരണം ബുദ്ധിമുട്ടുന്നവര്‍ ഒട്ടേറെയാണ്. പലര്‍ക്കും പലതരത്തിലുള്ള കാരണങ്ങള്‍ കൊണ്ടാകും ഇത് സംഭവിക്കുന്നത്. ഇത്തരം പ്രശ്‌നങ്ങളുടെ യഥാര്‍ത്ഥകാരണം തിരിച്ചറിയുകയാണ് ആദ്യം വേണ്ടത്. പോഷകാഹാരവിദഗ്ധര്‍ ചൂണ്ടിക്കാണിക്കുന്ന ചില കാരണങ്ങള്‍ ഇവയാണ്.
വിശക്കാത്ത സമയത്ത് ഭക്ഷണം കഴിക്കുക: ഭക്ഷണത്തിന് ഒരു നിശ്ചിത സമയം നിശ്ചയിക്കുന്നത് ഒരു നല്ല പരിശീലനമാണ്, വിശപ്പ് അനുഭവപ്പെടാത്തപ്പോള്‍ ഭക്ഷണം കഴിക്കുന്നത് തലച്ചോറിന്റെ സിഗ്‌നലുകള്‍ ശ്രദ്ധിക്കുകയില്ല. വിശക്കാതെ നിങ്ങള്‍ ഭക്ഷണം കഴിക്കുമ്പോള്‍, ദഹനരസങ്ങള്‍ സ്രവിക്കാന്‍ നിങ്ങളുടെ തലച്ചോറിന് വയറ്റില്‍ നിന്ന് സിഗ്‌നലുകള്‍ ലഭിച്ചിട്ടില്ലെന്നാണ് ഇതിനര്‍ത്ഥം, അതുകൊണ്ട് തന്നെ നിങ്ങള്‍ക്ക് ദഹനപ്രശ്‌നങ്ങള്‍ നേരിടേണ്ടി വന്നേക്കാം.
ഭക്ഷണത്തോടുള്ള വൈകാരികമായ സമീപനം:
നെഗറ്റീവ് വികാരങ്ങളില്‍ നിന്ന് ക്ഷണികമായ ആശ്വാസം അനുഭവിക്കുന്നതിനായി വൈകാരികമായി ഭക്ഷണം കഴിക്കുകയും കലോറികള്‍ അമിതമായി വര്‍ദ്ധിപ്പിക്കുകയും ചെയ്യുന്നവരാണ് ചിലര്‍. എന്നാല്‍ ഇങ്ങനെ ചെയ്യുന്നതില്‍ അര്‍ത്ഥമില്ല. ഇത് നിങ്ങളുടെ ദഹനവ്യവസ്ഥയ്ക്ക് ്മിതഭാരം നല്‍കി പ്ര്ശനങ്ങളിലെത്തിക്കും
ഭക്ഷണത്തിന് മുമ്പോ ശേഷമോ ഉടന്‍ തന്നെ ധാരാളം വെള്ളം കുടിക്കുന്നത്: വളരെയധികം വെള്ളം കുടിക്കുന്നത ്.ദഹനരസങ്ങളെ എളുപ്പത്തില്‍ നേര്‍പ്പിക്കും. അതിന്റെ ഫലമായി ദഹനം നടക്കാതെ വരികയും അത് മലബന്ധം, അസിഡിറ്റി തുടങ്ങിയ പ്രശ്‌നങ്ങളില്‍ എത്തിക്കുകയും ചെയ്യും.
മള്‍ട്ടി ടാസ്‌ക്കിംഗും ഭക്ഷണവും ്: യാത്രയ്ക്കിടയില്‍ ധൃതി വച്ച് ഭക്ഷണം കഴിക്കുന്നത് പലര്‍ക്കുമള്ള ശീലമാണ്, ദഹനവ്യവസ്ഥയെ വിട്ടുവീഴ്ച ചെയ്യാനുള്ള മറ്റൊരു കാരണമാണിത്. ശ്രദ്ധാപൂര്‍വം ഭക്ഷണം കഴിക്കുന്നത് ഭക്ഷണം നന്നായി ദഹിപ്പിക്കാന്‍ മാത്രമല്ല, പോഷകങ്ങള്‍ ശരിയായി ആഗിരണം ചെയ്യാനും സഹായിക്കുന്നു.
ഇതിനെല്ലാം ഉപരിയായി കഫ, വാത, പിത്ത സ്വഭാവവും ദഹനപ്രശ്‌നങ്ങള്‍ ഉണ്ടാക്കിയേക്കാം.
